لبغات تتزوج بحبيبها لي متيدكرش ليها الزواج

سلام حبيباتى اولا الزواج قدر لكن هدا مكيمنعش ناخدو بالاسباب
امنية كل وحدة انها تتزوج بحبيب قلبها
تبعو هاد المراحل ويكون خير جربت هاد الطريقة فاخت صاحبتى و بنت خالي و جابت معاهم نتيجة وصحابهم حددو معاهم موعد الخطبة
اولا تحيدي الموانع والعكوسات ديري التفوسيخات لي تترتاحي ليهم مدة اسبوع او اكتر حتى تحسي براسك مرتاحة
بعدها قراي سورة الفتح شحال ماقدرتى خلال اليوم من سبعين مرة فاكتر لمدة اسبوع ودعي الله يسر ليك الزواج بيه
وفي اخر الاسبوع صدقي التمر على المساكين و دعي الله يسر زواجك بيه والتمر تكونى بيتيه عند راسك فالطبسيل ديال الكارطون لي كيفرقو فالاعراس باش نديروفيه الحلوة الى عندك ديال شي عرس مزيان الى معندكش شريه و كتبي فيه زفاف سعيد بين ف ولد ف و ف بنت فلان عاد حطي فيه التمر
تانيا قبل الرونديفو خودي حنة من حانوت قبلي و قراي عليها الفاتحة والنصر والفتح و الانشراح شحال ما قدرتى خلطي قياسك بما الزهر او ماء المطر و الباقي احتافضى به و طليها على الجسد ديالك و خليها شوية و غسليها و جمعي الما خلطيه بشوية السكر ورميه فشي محبق زاهر
قبل الخروج للرونديفو بخري بعود قرفة و هزي معاك شحمة العيد (الى عندك والى معندكش بلاش)و طريف من عود القرفة و سكر القنديل
فاش تكونى معاه مرة مرة ديري سكر القنديل فمك خليه يدوب ففمك باش يجيه كلامك حلو ويسمع كلامك
اهم شئ الى كنتى كتنعسي معاه توقفى لان لي كايجيه لحليب فابور مكيفكرش يشري البقرة Smile الى سولك على التغير المفاجئ قوليلو مابقيتش باغا الحرام وشوفي ردة فعله الى بقا متمسك بيك مري للمرحلة المواليه الى تبدل من جيهتك متضيعييش وقتك معاه
المرحلة الاخيرة الى بقا متمسك بيك خوديي صورتك و صورتو و عملي بينهم العسل الحر و سكر القنديل و القرفة لي شاطو ليك من الرونديفو يكونو مطحونين وحتى شحمة العيد الى عندك دوبي شويه وديريها ببين الصور و لوي عليهم السكوتش و خبيهم وسط حوايجك ومتنسايش تعملي هادشي فيوم سعيد كالاثنين والخميس اوالجمعة وافضل الاوقات هي الساعة لي بعد الاذان لانهاتتكون ساعة سعيدة
شري شمع بيض لي دائرى وصغير كتبي فيه سميتو و سميت مو وسميتك وسمية امك و كتبي زواج حتى تعمر الشمعة بكلمة زواج و شعليها بنية الزواج به و دهنى الشمعة بالعسل الحر وشعلي حداها عود ند شعلي جوج شمعات يوميا لمدة اسبوع متلاقايهش حتى ييسالي الشمع
كيسالي الشمع نقشي شي صبيع بنفس الحنة لي استعملتيها للحمام في المرحلة الاولى و قبل الرونديفو خلطى الزهر والورد فشي رشاشة ورشي على جسدك و ملابسك لي غادي تخرجى بيهم و بخري عاودتانى بالقرفة وهزي معاك القرفة و سكر القنديل و ملي تلاقايه اختاري الوقت المناسب وبداي تلمحي ليه على الزواج وان شاء الله يتقبل الفكرة ويرحب بيها وتتفك عقدة لسانو و متحشميش مفيها والو لبنت تلمح او تتكلم على الزواج بل بلعكس غادي يقول هادي بنت دارهم و مابغاش لي يلعب بيها قولي لو الى بغيينى كيما انا بغيتك اجى لدارنا ولي صعابت عليك نخففها عليك
و الى نجحت الخطة رجعى لدار شعلي شميعات بويض متكتبي فيهم والو ورشي القنات بالحليب والزهر و لغد صدقى خبز وحليب على المساكين و زربي عليه يجى فاقرب وقت
و حمدي الله وشكريه مرارا وتكرارا و عرضينى لعرسك و الله يكمل عليكم كاملين بالخير
و الكتمان هو سر النجاح متقولي لحد متعاودي لحد وخا تكون امك او اختك متعاودي ليها حتى يكون جاي يخطبك
منقوووولة

شكرا

الف شكرا