شميعة شريفة

كاتاخدي شميعة بيوم الجمعة باليل تكون في لون المطلوب يعني الى كان اسمر كتكون حمرة والى بيض كتكون شمعة بيضة وكتكتبي عليها بالمرود دلكحل ديالك والكتابة من راس الشمعة (ناس تقول ليك شمعة وانا نقول ليك لالة جمعة تجيبي لي فلان ولد فلانة تيبكي بالدمعة ويدوز عليك واحد قهار ويلق فمو حار مرار ويقول ترشاقلي ودوز فلانة بنت فلانة حبيبتي ولا زوجتي وتحيد العار) كتصلاح لمزوجين ولمصاحبين المهم يكون عندك الخرقة او كلنكس اوك .
كتدهني الشمعة دالعسل الحر وكتفرشي الخرقة وكترشي عليها شوية الزيت النباتية وكتزيزي شوية الحرمل والزعزاع وشويه الجاوي الابيض مدقوق وكتلويها على ااشميعة وكتزيري عليها بالخيط ابيض وكديري ااكبة كاملة ديال الخيط اوك وكتشعلها بعود ااند باليل حتى ينعس بني آدم ومتنساوش ضروري تكوني على طهارة يعني محستحمة وعاملة ميكاب حبيبتي

والموضع لتخدمي فيه يكون نضيف ومرشوش بالزهر وبشوية برفان ديالك ومتكونش البلاصة او البيت لكتنامي فيه اوك حبيباتي موااااح عليكموالله يسر كل البنات ومتنساوش شي دعيوة

اه نسيت تكوني طالقة شعرك وزيف نتاع راسك بقاي تشيري بيه وقراي القراية لكتعرفي راه مزيانة كتزيد في سرعة الخدمة والى كان عند شوية العود طلقيه